Mujhe shak karne ki bimari ho Gaye hai

Viewing 2 posts - 1 through 2 (of 2 total)
  • Author
    Posts
  • #10953
    [email protected]
    Participant

      Mujhe shak karne ki bimari ho Gaye hai.  kyoki mey jisse pyarr karta hu mujee uspar hamesa shak rahata hai ki kahi uska affairs toh nahi hai.  es vajah se mey usse bahut tang karta rahata hu. Hum 2 saal se relation me hai.  Mujhe lagta he ki uska affair mere dost ke sath he. Vo kai hours tak whatsapp par online rehti hai lekin jab me puchta hu to kai  reason deti hai but mujhe vishwas nahi hota. iske alawa bhi kai chije hai jaisa vo kabhi kabhi mera phone pick nahi karti aur mujhe avoid karti hai

      Ab usne saf saf keh diya he ki agar mujhpar trust nahi hai to relationship ko khtam kar do. Lekin me use bahut pyar karta hu. Please meri help kare. Me is problem se kaise bahar niklu.

      #10978

      Hello Rohit

      Me samajh sakta hu aap par kya beet rahi hai lekin aap is se bahar nikal sakte he, Sabse pehle ye samjhiye ki pyar me koi shart nahi hoti. Pyar m trust karna sabse zyada zaruri hai. Jab aap ko khud par vishwas hoga tabhi aap dusro par vishwas kar paenge.  thoda bahut shak to har relationship me aam baat hai. lekin chhotee chhotee baaton par bevajah shak aapake rishte me daraar la sakta hai. ise bhee ek beemaaree kee tarah hee samajhe. jo log bahut adhik rakshaatmak vyavahaar karate hain ve kaaphee shakkee hote hain. bahut jyaada pyaar aur use khone ka dar bhee shak paida karata hai. aise me aap apane saathee se adhik pooch taachh karate hain aur unko lekar adhik chintit dikhate hain. aise me aap kisee bhee baat par jaldee bura maan jaate hain. galatee karane kee sthiti mein bhee jaldee dosh sveekaar nahin karate. jiddee aur samajhauta na kar paana aadat mein shumaar ho jaata hai.

      Jahan tak me samajh pa raha hu aap vishwas karna cha rahe h par bar bar apke dimag m aa jata h ki agar kahi galat hua toh… Ye vichar apko es baat se aage hi nahi badne de raha.  Aap mirror ke samne khade ho kar khud se puchiye ki aap khud par vishwas karte h? Kya aap kisi par vishwas kar sakte h?

      Aap khud ko dekh kar dhoraiye ki me khud par aur apni girlfriend pr vishwas karta hu.

      Aap ko khud ek nirnay lena hoga yadi aap shak karna band kar de aur apni zindagi maze se guzare ya apne aap ko aur apni girlfriend ko pareshan karte rahe.

      Yadi aap ko lagta hai ki apke friend  ke sath unki nazdikiya hai toh ek bar unse clear kar le, jaisa ki apne kia. Unhone pura dilasa dia h apko, yani unhone aap par vishwas dhikaya hai toh aap ka bhi farz banta he ki unke prati vishwas dhikhane ka. Vishwas karne se hi vishwas paka hoga nahi toh kabhi thik hi nahi ho paega. Mai ye suggestion dunga ki aap unhe apna vishwas dikhae, unhe kahe ki me aap par pura vishwas karta hu.

      Jab bhi aap ke man me yeh vichar ata hai ki unka affair ho sakta hai, ussi waqt apne aap ko kahiye esa bhi toh ho sakta hai ki vo sirf aap se pyar karti h aur aap par pura vishwas karti hai. Jahan vishwas nahi hai vahan pyar ho hi nahi sakta isliye  vishwas karne ka prayas kariye aur pyar ko aur paka banaiye.

      Roz aap apni girlfriend ke bare m 5 achi baatien likhiye. Rozana exercise aur meditation kijiye esse aap positive soch paenge. Jab bhi aap ko shak hota he usi time  10 deep breath lijie aur fir sochiye ki jo aap soch rahe h vo galat bhi toh ho sakta hai.

      Roz koi 3 kindness ke kam kijie.

      Apni ankhen band kar ke baith jaiye aur apni saanso par dhayan lagaiye.

      Apni neend puri kijiye.

      Apne kisi trustfull dost se apni samasya share kijiye.

      Yeh sab kar ke aapki bechani m kaafi sudhar ayega.

    Viewing 2 posts - 1 through 2 (of 2 total)
    • You must be logged in to reply to this topic.